呢二日, 一直係勞工處、job market.......etc 搵工、 send resume, 但係呢到呢一個 moment, 我個腦已經轉唔到, 我唔知自己下一步要做 d 咩, 可以做 d 咩..................我覺得自己好無用, 甚至想過死...........人到中年, 年紀大左, 一事無成, 浪費時間..........
工作 : "一榻胡塗", 眼見個個朋友事業有成, 睇下自己呢? 都只不過係一間養老公司既文員仔, 想去讀個領隊 course 咩, 都唔知根本係好定唔好, 光陰有限, 到底係美好前途 or 浪費時間, who know? 讀左個 course 就算真係轉行, 分分鐘連養自己都養唔起, 點養父母, 又如果唔打算轉行, 咁我又讀呢做乜呢?
感情 : 曾幾何時, 以為自己搵到一個好男人, 因為同呢個男人一齊, 我覺得自己好幸福, even 佢以前有既過去, 我都一直默默支持、配合, 起碼我覺得佢真係對我好好, 好緊張我, 好錫我, 但萬萬估唔到, 十年後既今日, 佢竟然會調轉頭做咁多小動作去 hurt 我...........到底十年既感情, 換返呢既呢種結果, 係咪我應得既呢? 一個同你行左十年既人, 你係咪真係要去咁樣令佢失望, 從來唔會去諗下佢既感受! 坦白講, 我真係放唔低呢個男人, 我仲對佢有感覺, 而且講到尾一個女人有幾多個十年, 我同佢經歷既一切一切, 我受既委屈, 根本冇人可以幻想到, 但我知道呢個男人既心已經唔係十年前, 我認識既佢, 我真係好心痛, 心痛到我根本唔可以忘記我同佢既過去, 我一日唔離開呢間公司, 我根本唔可能忘記佢, 去過返一個正常人既生活, 我雖然好唔捨得份工, 但我更加害怕自己有一日會崩潰, 會發癲, 所以 "辭職轉工" 係我唯一而且第一件要做既事, 係佢迫我離開, 佢既世界再容納唔到我, 佢既心亦都已經徹徹底底去左另一個女人度, 我同自己講過 ~ 只要我隻腳一踏出呢間公司, 我就註定會同呢個相處左十年既人, 成為陌路人, 以後你仲意做 d 咩, 就做 d 咩, 唔洗偷偷摸摸, 至於我, 就算我餓死街頭, 你都唔會知道..................唔會在乎
婚姻 : 有邊個女人, 唔想有美滿既婚姻生活, 我一直都只係一個小女人, 好希望有自己既家庭, 相夫教子, 但事與願違, 見到阿哥阿嫂家庭生活咁開心, 又有個咁可愛既bb, 你估我唔想咩? 我想又點呀? 莫講話生bb, 就連自己會唔會搵到一個好老公, 我都開始冇信心, 如果我真係孤獨終老, 我寧願早死早著.........或者個天註定 dad & mum, 只可以做人地爺爺, 嫲嫲, 做唔到公公, 婆婆啦.............
留言列表
TT 心事 (2)